Ás 5 da tarde de forma presencial no Seminario e na platarforma Zoom. Interesados comunicarse con: movimientobiblicolugo@gmail.com.
A COMUNIDADE DOS DISCÍPULOS ABERTO AO HORIZONTE DO MUNDO PAGANO
O Evanxeo de Lucas non foi copiado tantas veces na igrexa antiga como o de Mateo, pero tivo unha notable influencia na vida litúrxica, algunhas das grandes festas cristiás recibiron o seu contido dos relatos lucanos: Nadal, Pentecostés, Ascensión; os cantos litúrxicos do Magnificat, o Benedictus e o Nunc Dimittis.
Lido hoxe, a obra de Lucas revela unha riqueza impresionante, porque ademais de achegarnos a esa experiencia de apertura e universalismo, pode axudar a interpretar e dirixir situacións semellantes. Como os demais escritos do Novo Testamento, introdúcenos na experiencia dos primeiros discípulos, que sempre tiñan a mirada fixa en Xesús e tentaban vivir dende a súa fe nel as situacións que se estaban a presentar.